前E-kids成員阮民安（Tommy）去年8月承認洗黑錢和煽動，判監26個月。由於判刑前已還柙多時，因此Tommy於9月底已刑滿出獄。他於香港時間昨晚（5月1日）在社交平台發文，宣布已舉家移居英國，並聲稱在他出獄前，有國安處人員跟他接觸，希望他出獄後可以跟部門合作，「點合作都得」。
阮民安透露，在「23條落實嗰一晚」已決定離開香港，他選擇在5月1日在社交平台宣布「已經離開咗香港，終於到咗英國生活了」。他透露在囚時一直擔心「無法出獄」，直到去年9月，在離開監獄前的一天，有兩名國安處人員到監獄問他「想唔想返大陸發展？如果你想我哋可以幫你安排，同你一齊去！」他又聲稱對方指「可以俾個價錢我哋丫，我哋研究下，唔好同錢鬥氣！」又指「上面」認為若他出獄後，能協助宣傳會有「好大嘅迴響」、「我哋點合作都得」。
Tommy表示，「當刻我只係希望可以順利出獄。所以我聽曬之後我就答咗佢哋一句『我暫時無呢啲打算住，我暫時只係想知道我聽日可唔可以順利離開監房？』最後他如期順利放監。Tommy憶述離開監獄後，「每個禮拜國安都會打俾我，WhatsApp 我，『查詢』我近况，約我見面」，他更形容好像拍戲一樣，「搵架密封嘅七人車接我，然後不停努力咁游說我變節！」
Tommy表示，出獄後確診焦慮症和創傷壓力症，當時可以做的，「就係堅決的，萬般不捨的離開呢個我土生土長，生活咗44年的香港了。」Tommy直言未知在英國會有甚麼「奇遇」，但他起碼可以大呼一聲「我真的自由了！！！」到埗翌日他立即「負返一個我負少咗2年的責任就係：送仔返學」。