推出新歌《餞別酒》悼念過世舅父的歌手黃劍文 （Kimman），早前參加無綫主辦的歌唱比賽《中年好聲音》第二季海選，跟數千追夢者爭入圍資格，現尚未知可否踏上《中》舞台的他，自問有信心入圍，他謂：「表現有80分，但比最佳狀態時，表現差咗啲啲，有啲緊張，同時冇食早餐，有啲胃酸倒流。」而沒有參加《中》第一季，全因要忙做歌，況且上次主要招攬素人，可是：「但選出嚟都係歌手。」
他又謂參加《中》後頗受網民抨擊，大鬧他本是ViuTV藝人出身，但跳槽過無綫比賽，似有反骨之嫌，但他自辯謂：「我成日都去Busking啦，點解有個咁大嘅舞台唔去呢？有啲人又話我發明星夢，但可能佢哋唔知我曾經參加過《超級巨聲》。」問到可有為負評而嬲？他思想豁達，沒有為是非不歡，又指跟ViuTV完約後才和平分手，所以覺得亮相任何電視台也無問題，又笑言：「ViuTV啱年青人睇，現時年屆39歲，喺時候去《中》，畀啲Uncle、Auntie認識下我，如果亞視有大型唱歌比賽，我都會照去架。」
東網網站 : https://on.cc/東網Facebook專頁 : https://www.facebook.com/onccnews/