商場安心出行｜疫苗通行證今日（24/2）起正式實施，12歲以上市民進入特定場所需先按種至少一針新冠疫苗及安心出行，各區商場都在場內紛紛貼滿安心出行QR Code，以方便市民掃碼。不過就有網民捕捉到商場有趣的一幕，例如擺出「QR Code海」，仲有青衣城的特別版QR Code！
商場安心出行｜商場各出奇招 將軍澳PopCorn QR陣
昨日有網民在Facebook群組「將軍澳主場」分享圖片，表示「將軍澳站連接Popcorn的C出口，一個出入口放超過30個安心QR code。」對於將軍澳PopCorn正式化身為QR Code陣，網民就大笑「點解好似射靶場」、「8個人一齊掃，又中埋限聚令」、「似唔似睇道士驅鬼，貼曬符咁」、「有人行商場先算。
也有坑口人表示新措施麻煩兼辛苦，皆因區內多個商場連接在一起，返屋企都要穿過3-5個商場，之後或會考慮行地面而不途經商場。
將軍澳QR陣未算癲 青衣城先係Final Boss！
不過其後有網民貼出另一個商場的安心出行QR Code，相比之下PopCorn簡直濕濕碎！網民在青衣城發現與人一樣大的安心出行QR Code，丫唔係，係大過一個人先啱！從網民拍攝到的照片可見，該張貼紙一張就貼滿了商場的巨型中柱，可謂「唔怕你唔嘟，最怕你扮睇唔到！」
網民就笑稱「對面海都掃到」、「NFT嚟㗎嘛？」、「笑L死，發雞盲都睇到」、「我以為係一幅抽象畫」；但也有人擔心「過大應該好難Scan」、「有無用腦。。咁大點掃」。不過後來有網民指出青衣城已將加大碼QR Code拆下，無得再打卡啦！
