女網民西貢露營撞鬼 同行4人都Feel到！超恐怖 無風但營火熄滅＋帳幕外有黑影徘徊 網民指犯禁忌：可能唔鍾意你哋做呢件事…｜玩樂熱話

露營是近年興起的活動，有人更當作是無得去旅行的替代活動，於是每逢假日郊區都聚滿了露營友。近日有網民在Facebook專頁「巴打絲打11鬼故台」上分享，指自己上星期與朋友去西貢露營時發生靈異事件，在露營的過程中明明無風但營火多次熄滅，半夜與朋友更目擊到帳幕外有黑影及聽到腳步聲！

女網民西貢露營撞鬼 同行4人都Feel到！

超恐怖明明無風但營火多次熄滅＋帳幕外有黑影腳步聲

西貢是露營人士的熱門地點，雖然政府營地仍然關閉，亦無阻露營友自行尋找秘位露營的興致。近日一位女網民在Facebook專頁「巴打絲打11鬼故台」上投稿，指自己與女性朋友們，一行4位女士上星期前往西貢某地點露營，期間發生了多件靈異事件！

她指她們因為晏晝先上山的緣故，去到營地時天色已開始暗，在夜晚時她們打算煮食，但因為沒有帶Gas爐，所以要自行生火煲水，但不知為何就算起到火，明明無風吹過啲火都會自己熄滅，仲連續發生了4-5次，就好似有人故意弄熄一樣，幸好最終隔離營友借出Gas爐，才得以煮食。

而令她們最奇怪的一點是，她們4人一同睡在大型帳幕，大約凌晨一點左右，事主與另一位朋友都聽到腳步聲，而且似是「不斷咁圍住我哋嗰帳幕行嚟行去」，令她們感到驚慌，最後決定「細細聲打開一半拉鍊睇吓咩事」，誰料事主與另一朋友「同時間睇到有兩個黑影企咗喺帳幕出面，但真係只係黑影，完全見唔到其他眼耳口鼻」，不知是不是黑影聽到動靜，「噓」一聲就憑空消失，最後她們4人都不夠膽入睡，事主與一位朋友翌日因受驚過度而發燒。

網民指犯禁忌：可能唔鍾意你哋做呢件事

網民看後就指郊外地方，荒山野嶺有鬼神不足為奇，建議事主下次「袋隻貔貅係袋辟下邪」、「山頭真係有好多靈魂，同佢有感應，還有朋友病埋，有一次經驗就算了，唔好再去露營啦。」

另外也有網民表示可能是因為燒地「鬼都睇唔過眼你地燒地呀」、「應該係唔想比你燒地，佢哋都好愛香港！」

常見問題：

問：仲有無其他恐怖故事分享？
答：北角皇都戲院鬧鬼傳聞、天水圍天盛苑疑似有UFO飛過、金茂坪戲院靈異傳聞、大嶼山心經簡林風水蛇陣，都係本港著名都市傳說之一。

問：仲有無郊遊地點推介？
答：不如去元朗玩下啦，元朗唔單止有農莊可以餵餵草泥馬，採摘新鮮水果，仲有無敵玻璃天幕露營車及彩虹小屋觀星營地，即睇睇推介：元朗好去處6大郊遊必去