多仔公Bob林盛斌一家六口，四個小朋友活潑可愛，不過佢話現今社會做老竇一啲都唔容易，以現在養一個小朋友要六百萬來計一計，「咁計法，我咪孭住二千幾萬兒女債喺身，唔發掘多啲搵錢方法，點頂？搣搣吓就冇喇，好快入肉見骨，你哋見我都瘦咗啦！」
孖住人氣直播平台之一OH！BABY主播蓉蓉和四哥，為三款新產品進行獨家預售直播。
佢的確周身刀，張張刀都利，之前做網上生意，做得有聲有息，仲有本事「大屋搬大大屋」，在年初由九龍塘四層獨立屋，搬入同區、實用面積更大的新屋中，不過疫情兩年幾，都有令他試過零收入嘅日子，所以佢又想想有乜新搵錢大計，最近佢就學人上網帶貨，仲孖住人氣直播平台之一OH！BABY主播蓉蓉和四哥，為三款新產品進行獨家預售直播。這次雙劍合璧，在直播開首短短一小時多，已經有五百萬的銷售好成績，難怪Bob自詡說：「我呢個金牌帶貨主播，絕對唔係得個『講』字。」搵到新收入來源，阿Bob唔怕再生多個啦！
