「失蹤人口」鍾潔怡晒廚藝　劉愷威吳家樂讚不絕口

前無綫藝人鍾潔怡（Kitty）離開幕前一段時間被視為「失蹤人口」，於六月生日的她，跟訓練班同學包括劉愷威、吳家樂和陳彥行等齊齊慶生，大班朋友留家歡聚，除了食生日蛋糕，其實主菜是試食Kitty的廚藝！

最近愛上整甜品的Kitty，因認識一位烹飪高手朋友，並傳授整難度甚高的糖環，另外又整花生酥，一班同學試過都大讚，信心因而大增；Kitty再將其煲湯強項一拼發揮出來，身邊朋友大飽口福，於聚會上與高鈞賢遇上，對方品嘗過她的美食都讚不絕口。最近高鈞賢再重返無綫拍劇，問到Kitty可有戲癮復出演戲？她稱：「我唔係大明星，冇資格講復出，過下戲癮可以嘅，其實有接觸過無綫要員，大家都會傾吓，如果有機會合作嘅話，我一定會認真考慮。」

東網網站 : https://on.cc/

東網Facebook專頁 : https://www.facebook.com/onccnews/