大家有留意麥浚龍（Juno）與謝安琪（Kay）的年度企劃嗎？概念如電影，以董折、浦銘心兩個角色貫穿所有歌曲及mv，先後推出《人妻的偽術》、《勇悍·17》及《一個女人和浴室》等好評如潮的單曲，早前更合體開音樂會！而近日再有新曲派台，更邀請到金像影帝古天樂強勢加入，而且是飾演Kay第二任丈夫 ！
董折和浦銘心的故事極具追看性，讓人好想知道後續的發展，而Juno他們也不負眾望，邀請到古天樂演出新角色藍定凌（即浦銘心第二任丈夫 ），與Kay合唱由BERT作曲、黃偉文作詞、TED LO編曲、麥浚龍／陳哲廬監製的《（一個男人）一個女人和浴室》！
之所以能邀得古仔重返樂壇，全因古仔早前拍攝麥浚龍執導電影《風林火山》後，二人表示相當欣賞對方！古仔更大讚Juno：「我好欣賞Juno嘅細心，電影上嘅理念跟我相似，最難得係肯花時間去做電影。娛樂圈最緊要肯踏出第一步試唔同範籌，去創新唔怕蝕底先可以有新一頁。我唔擅長唱歌，但《一個男人》唔單係首流行曲，係整個故事嘅一部分，一個回憶，我以藍定凌嘅身份去唱，係一個表演，有劇情，就如一部電影，所以我試，假如真的會拍成電影，我也會期待。」
但好笑的是，古仔唯一要求就是不要他唱Live：「做咩都得，唔好要我唱live，呢首歌歌詞句句唔同，冇重複，我揸起支咪已有壓力喇。」Kay 笑言：「可能你之後又覺得好喜歡呢首歌，好想現場唱俾觀眾聽呢。」
而今次古天樂演出新角色藍定凌，和Juno所飾演的董折也很不同！Kay笑說：「藍定凌係個近乎完美嘅男人，佢細心，尊重另一半，尊重愛情，遷就對方，今次以大家角色出發去唱歌，有別以往典型唱法，不再單純只係歌者演繹一首單曲，有角色有情緒，我相信大家聽歌後會感同身受，想有個咁好嘅老公。」
能邀得古天樂Ｘ謝安琪極罕合唱，真是讓人非常期待，各位記得要去聽聽啊！
Text：Girls editorial
Photo Source： imagine-nation，instagram
留言 0