(星島日報報道)今年法律界誕生四名新資深大律師，包括三名擅於刑事案件的大律師蔡維邦、陳政龍與黃佩琪，以及主打民事訴訟的大律師鮑進龍。其中一名上榜大狀陳政龍接受本報獨家專訪，他坦言自己無傳統刑事大狀的口才，亦試過於執業初期在庭上被法官「鬧到反艇」，但勝在對案件證據分析仔細，令他成為多宗刑事大案中辯方的「幕後軍師」。
三十八歲的陳政龍主打商業詐騙和貪污等案件，除多次接手證監會相關的內幕交易案，亦曾參與曾蔭權、陳志雲、楊家誠等名人的大案，但他透露當大狀不是他中學選科時的志願：「初時想會計做主、法律做副，反而諗住讀law會容易啲入到account firm」。八歲時隨母親移民紐西蘭，對香港的僅有認識來自租借電視劇集的錄影帶。他想起小時候看過無線劇集《壹號皇庭》：「我覺得佢哋行業要處理嘅嘢同埋生活都好有趣，接近民生，好開心咁」。
他在奧克蘭大學修讀商務及法律雙學位，後來卻發現「愈讀（法律）就愈覺得個科目所讀嘅嘢，比會計有趣一百倍」。他回港修讀法學專業證書課程後，在〇四年開始執業，並加入本港刑事大狀「四大天王」之一的資深大律師包樂文（Gary Plowman）的 Chambers。
大狀在庭上的表現最為公眾關注，能在公堂上雄辯滔滔、口若懸河的，固然為人稱道。但陳政龍坦言不擅唇槍舌劍：「我覺得我無一般傳統嘅刑事大狀，喺庭上面嗰個揮發自如嘅魅力，盤問嘅收放自如，可以一張紙問幾個鐘。如果（要我）問幾個鐘，我諗我要一百張紙。」
陳政龍憶述一次被委派到區域法院，代表辯方出席一宗襲擊案提訊。當日庭內聚集過百人，數十宗案件輪候「過堂」，但陳只等到第二單案件就輪到他。法官問辯方會否就警誡供詞作爭議，他卻不懂回答，最終他「講咗唔夠三句」，就「畀個官喺百幾人面前鬧咗廿分鐘」。陳憶及此事時彷彿心有餘悸：「我未試過畀人鬧得咁大件事！」
陳政龍說，大狀於庭上表現好壞，一半取決於天資，一半是準備。自覺天資不足的他，倒是其分析能力為人賞識。他執業後處理的第一單大案，是與商業罪案無關的陽明山莊謀殺案，案件〇五年原審時由包樂文率領辯方律師團隊。
「Plowman搵我做research嘅工作，佢要搵一個平啲嘅入去做啲donkey work（枯燥的工作）。」所謂「donkey work」，包括細閱死者的相片，因案中一個爭議點在於死者是否側臥牀上睡覺時遇襲。「個指控係佢（死者）瞓低嗰時（被告）扑個頭側邊，我哋個case就話唔係嘅，佢企喺身嗰時有個fight，跟住（被告）先打佢。所以佢塊面如果打側咗，左邊唔會有傷痕，偏偏我哋就搵到左邊面、額頭都有傷痕。」
其後陳政龍獲委派處理多宗商業犯罪案件，逐漸在業界打響名堂，他尤其擅於分析資金流動、銀行和股票記錄等繁瑣資料。「我啲leader對呢一方面可能唔敏感，所以佢哋鍾意搵我去幫佢哋分析呢啲嘢，幫佢哋將啲嘢簡單化」。
陳政龍形容大狀的工作是一個「玩砌圖」的過程：「因為法律永遠都係有一個問題，你就要搵方法去解決佢，一係就喺證據上面，一係就喺法律嘅觀點上面。」他指出作為「幕後軍師」，自己需要比任何人都熟悉案件內容，以協助代表大狀策劃庭上陳詞和盤問，他又要兼顧客人的指示和需要。
陳政龍享受與律師團合作，但亦明白將來自己需要牽頭作戰。他表明享受站在庭上辯駁的過程，其過去被法官狠批的經歷，是他作為大狀成長的一部分：「畀官鬧，係我哋出嚟嘅必經階段。」