請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

政Whats噏:遊星洲見海灣填海造地 陸瀚民:港府可借鑑

陸瀚民(左)同太太(右)去咗新加坡,喺當地跑步。
陸瀚民(左)同太太(右)去咗新加坡,喺當地跑步。
陸瀚民(左及中)夫婦同黎穎瑜(右)飯聚。
陸瀚民(左及中)夫婦同黎穎瑜(右)飯聚。

以前政府成日話搵地建屋好難,但係填海造地又惹起好大爭議,究竟點解決呢?議員陸瀚民近日同太太去咗新加坡玩,亦不忘觀察當地嘅異國文化,佢話新加坡濱海灣(Marina Bay)係以填海方法增加土地供應嘅代表例子,咁香港係咪可以考慮下呢?

陸瀚民話當日朝早同太太喺濱海灣輕鬆一圈,順道觀察市況,話基本上喺交通工具外,大部分市民已經冇戴口罩。佢話濱海灣係改善海岸環境以作土地發展,新增土地可以用作好多用途,包括市民休憩、商業、娛樂、會展、食肆、綠化同跑步等。

佢亦對比本港嘅規劃,話雖然陸續漸見成效,但濱海灣仍然值得借鑑嘅其中一個成功例子。其實濱海灣係新加坡河喺該國嘅出海口,從地圖上看去約略係長方形形狀,右上角有缺口能讓河水通往大海。

鍾情於跑步嘅佢,即使去新加坡玩都照跑,形容自己係跑步意識流。兩公婆喺嗰邊仲同朋友敍舊添,嗰個就係前民政事務局政治助理黎穎瑜。陸話多年前同黎一齊上國情班,今次敍舊亦有交流香港同新加坡嘅近況,話兩地喺競爭關係之外,都可以係互惠共嬴嘅關係。

東網網站 : https://on.cc/東網Facebook專頁 : https://www.facebook.com/onccnews/

查看原始文章