【艾妮遇過四賤男？】一踏入2022年，艾妮（Elly）便馬上推出新歌，今年首隻派台廣東作品《情緒勒索》正式上架。
歌曲找來KW朱敏希作曲、褚鎮東編曲，填詞方面則邀來Elly十分欣賞的詞人林若寧以及偶像舒文@Zoo Music為其監製。歌曲講述女生很愛男生，甚至願意一直忍受冷暴力，這段愛情由一開始就是不對等，結束這段不健康的關係對女生來說其實也是一種解脫。Elly自言自己在感情上也遇過不少波折，所以很適合演繹這首歌。雖然情感演繹上有一定的掌握，但Elly笑言錄音過程也頗為艱辛：「其實原本版本已經錄咗八日，差唔多完成階段時，又想試吓另一個版本嘅編曲，即係大家而家聽到嘅版本。所以夾夾埋埋錄咗二十日，絕對是嘔心瀝血嘅作品，希望大家多多支持。」
唱得投入，原來現實生活中Elly遇過不少賤男，她笑說：「四個算唔算多呀？」然後接着說：「我哋啱啱開始嘅時候，佢就已經同我講有個好close嘅女仔friend有絕症，所以要成日陪佢睇醫生、拎藥等等，但佢又唔肯講係乜嘢病，我係護士有乜嘢病未見過？點解唔講得呢？之後情人節，佢話因為要學車，所以唔可以一齊過，我諗住俾個suprise佢，買咗個蛋糕仔喺佢學車間學校等佢放學，但等極都唔見，最後啲保安出嚟同我講啲老師都走晒啦，入面已經冇人。我就打俾佢啦，佢話：『你見唔到我咩？我一早走咗啦。』其實我企嗰個位冇可能見唔到佢，佢仲話諗住自己去打邊爐，最後當然知道係大話。」
MV中，Elly以黑白兩個造型現身。白衣造型像扯線公仔一樣不由自主地被男友控制著；黑衣造型則一直在背後觀察，待白衣Elly不再容忍男友的操縱及傷害，黑衣Elly便以刀割斷紅線，親手切割這段關係。Elly表示十分高興可以找來演出賤男角色經驗豐富的Henry來擔當男主角，並稱讚對方演得入型入格，「拍攝過程好順利，因為好多場景自己都經歷過，譬如分手、攤牌等。但我就未試過拎嘢掟男仔，今次拎啲乾花掟落Henry個頭都係第一次，所以我都唔係咁好意思，因為今日第一日認識呢位男主角，就要搵嘢掟佢，不過拍出嚟o既效果係幾好睇。」
#艾妮 #艾妮Elly #情緒勒索
#香港音樂人 #香港製造 #makeinhongkong
#香港製造 #MadeInHongKong #香港人撐香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l
留言 0