第27屆釜山國際電影節將於10月5至14日舉行，電影節於今日（27日）公佈「亞洲內容大獎」（Asia Contents Awards (ACA)），繼上屆劉俊謙憑《二月廿九》余家聰一角獲提名「亞洲內容大獎」最佳男主角後，今次港產片又一次揚威海外！
由劉偉恒執導及編寫，梁詠琪（Gigi）、潘燦良、周家怡和強尼主演的ViuTV原創劇《反起跑線聯盟》入圍「亞洲內容大獎」兩大獎項，梁詠琪榮獲「最佳女主角」提名，對手有《新聞記者》米倉涼子、馬思純《江照黎明》和朴恩斌《非常律師禹英禑》等，而編導劉偉恒則入圍最佳故事。
憑《IT狗》趙家俊（Kenneth Sir）一角而被人注意的岑珈其，今次亦成功入圍最佳男配角，屆時將與《魷魚遊戲》朴海秀、《Tracer》朴埇佑和祖峰《八角亭謎霧》爭獎，同劇的凌文龍不單入圍最佳新晉男主角（演員），而且更率先獲頒最佳新星大獎（Best Rising Star），下周將遠赴釜山現場親身領獎。
首演電視劇便獲得女主角提名的Gigi表示感恩及驚喜：「一個好大嘅驚喜！非常感恩可以同好多出色嘅演員一同入圍，我覺得十分榮幸。第一次拍劇知道自己有好多不足嘅地方，我仍然會謙虛地繼續努力。好感謝導演同台前幕後工作人員的誠意和努力，一部電視劇受觀眾歡迎，實在需要各方一齊努力方會成功。最開心係呢個劇在『提早暑假』嘅期間，帶咗好多歡樂畀家長同小朋友，同時好戥導演及工作人員開心。」劉偉恒當然感到興奮，他還坦言今次入圍有另一種意義：「我執導的第一部短片《Mr. Right》在2007年曾入選釜山影展；15年後，可以帶着我的電視劇到釜山競逐獎項，感覺特別興奮！總之，多謝及恭喜各位！能夠入圍競逐已經心滿意足！釜山見！」
岑珈其亦覺得入圍已經是得到評審團的肯定和支持，是一個超級大的鼓勵：「得到呢一張咁好嘅成績表我會好好珍惜！我一定會繼續努力做好日後每一個作品，同埋真心要好多謝《IT狗》簡君晉導演，畀今次呢個機會我參演到Kenneth Sir呢個角色，最後一定要多謝喜歡同支持我嘅每一位朋友吖！」而小龍當然感到驚喜：「冇諗過第一次演出電視劇就有機會提名國際獎項，《IT狗》喺香港嚟講係比較創新嘅題材同類型，希望可以畀其他國家睇到香港電視界嘅新視野。」
「亞洲內容大獎」將10月8日舉行，韓國影視當紅藝人丁海寅擔任頒獎禮主持，身為香港電影金像獎協會董事的余安安，亦被獲邀頒發終身成就獎（Lifetime Achievement Award)。
