請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

何超儀辦Disco演唱會 憶被張國榮趕走梅艷芳教媾仔秘訣

何超當年拉住家姐何超瓊衫尾識到唔少巨星。

已故賭王何鴻燊千金何超儀(何超)相隔3年再開騷,將於今晚及明晚於九展舉行《The Flash Back Now party》,唱盡她非常歡喜80年代嘅Disco名曲。講到Disco,她就興奮自爆當年拉住家姐何超瓊(Pansy)衫尾落DD,同巨星梅艷芳、張國榮、羅文及陳百強等聚會,她更爆出被張國榮(哥哥)責罵兼趕離DD現場嘅?事。

她說:「當年嘅香港係五光十色,尤其流行Disco,啲人扮得咁靚,好有型,好有態度。印象最深刻13歲時跟咗去Disco出席哥哥演唱會嘅after party,因為唔識飲酒及跳舞,就貪玩用玻璃球嚟電行過嘅人,因而被哥哥怪責『知唔知會好痛㗎?你再咁曳嘅話,我?家即時Call車車你走。』最後我都係被趕走咗,因為我電親黎小田。」另外,梅姐又向她傳授媾仔秘訣,要用眼神電對方,而唔係喺舞池高舉雙手亂舞,咁樣反而會嚇親男仔。到她18歲想入行唱歌,Pansy在文華酒店嚴厲喝罵她:「你衰唔衰呀!冇Taste,又肥又唔識打扮,唱得幾叻又如何?」「契爺」丹尼仔遠處已聽得到,即解圍叫Pansy唔好鬧個妹,然後提出翌日帶她去買衫,所以她人生第一套戰衣是由丹尼仔買給她的。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ