（獨媒報導）港府周五（23日）「與病毒共存只會共赴黃泉」的醫務衞生局局長盧寵茂表示，2月至今許多事情已改變，疫苗接種率大幅提升，但不能忽視疫情已造成逾9,000人死亡：「確實有好多我哋嘅長者已經係走咗，你可以問吓嗰9,000幾人宜家去咗邊。」
盧：目前不適合「0+0」輸入個案或增10倍
政府日前放寬入境檢疫，將現時「3+4」改為「0+3」，全面取消檢疫酒店安排。醫務衞生局局長盧寵茂接受無綫新聞「講清講楚」訪問表示，有關措施平衡了疫情及經濟需要，但就認為目前不適合再放寬到「0+0」：「睇宜家數據，暫時唔係好合適去做呢個。」他指，現時抵港人士確診比率比社區檢測陽性比率高3倍，取消所有檢疫限制或致輸入個案大增：「可能去到2倍、3倍、4倍，甚至10倍都唔定。」
世界衞生組織總幹事譚德塞早前表示，結束新冠疫情是指日可待。盧寵茂指不代表可「躺平」，並強調 「Omicron唔係流感咁簡單」，已造成逾9,000人死亡。他表示，明白不能完全消滅新冠病毒，最終或要與病毒共存，但「敵人仍然喺度，但立場不變」，政府仍要繼續減少個案。
稱訂立「復常路線圖」有困難：必須確定唔會「路毀人亡」
盧寵茂今年2月曾稱「與病毒共存只會共赴黃泉」，如今當局卻放寬入境檢疫。盧指，2月至今許多事情已改變，「我哋嘅接種率提升好多，我哋應對疫情能力、醫院系統亦都加強咗好多」，稱不能忽視眾多的死亡個案：「呢個唔係大家好想知道，但確實有好多我哋嘅長者已經係走咗，你可以問吓嗰9,000幾人宜家去咗邊。」他重申，不想就過去言論爭論下去。
至於政府會否訂立「復常路線圖」，盧寵茂指公立醫院服務開始復常，承認可考慮放寬社交距離，但認為訂「一個點」有困難：「香港政府作為總工程師，帶住700萬人，去到走呢條咁樣抗疫路，我哋係面對住好多風險⋯必須確定呢條路係穩陣嘅，係唔會路毀人亡。」
他重申，近一波疫情對醫療系統影響小於預期，期望「常態化」下，醫管局應變級別最多只調整至第2級，最理想是維持第一級，即對醫療服務影響在10%以下。