Lokman宣傳新劇獲提早慶生　回應MIRROR新歌造型似丐幫：啱數合理

MIRROR成員楊樂文（Lokman）與廖子妤（Fish）等人演出的ViuTV原創劇《十七年命運週期》將於明晚（23日）首播，今日（22日）齊齊出席記者會，適逢Lokman將於9月26日迎來35歲生日，大會為他送上蛋糕提早慶生。被問到MIRROR將於明天推出新歌《Hunt You Down》，但12子的造型被網民指似丐幫，Lokman笑指：「都啱數嘅，好合理。」

Lokman在ViuTV新劇《十七年命運週期》劇中首次演單親爸爸的角色，感受到父母十分偉大。他笑言跟別人的孩子玩，當然感覺輕鬆，又認為做爸爸責任大，戲中亦感受到做父母很偉大。今次與小演員演戲，他笑言：「阿女好叻呀，試過其中一場戲原本完咗，但佢突然爆肚一句，嗰句說話令我好大感覺。」大會準備蛋糕預祝Lokman 35歲生日，粉絲更大合唱生日歌，單身的他預告生日將會和愛貓度過，他說：「願望是世界和平，多謝！」

MIRROR新歌《Hunt You Down》明天派台，12子的造型被網民指似丐幫，其中Lokman所穿的長褲更被評為好像戴了護膝，他笑說：「因為首歌講獵人，獵人要爬來爬去，梗係要護膝，至於話似丐幫，獵人係污污糟糟，都啱數嘅，好合理。」

MIRROR 12子將會齊人在9月25日到商台宣傳，大批「鏡粉」早兩個星期已在門外霸位，被街坊投訴擾民，Lokman說：「大家要量力而為，睇住自己身體，睇完就要睇身邊以外嘅事，自己開心時盡量唔好影響到人哋，免傷和氣，我都覺得早兩個星期太誇張。」

同場出席新劇宣傳的廖子妤，表示有睇過Lokman演出的作品，大讚對方演技出色，卻沒想過今次對方的演繹方法很不同，令她意想不到。她又自認恨拍穿越劇，本身知道該劇導演擅長拍穿越劇，可惜今次並非穿越劇。她說：「因為人生有啲遺撼，都想重啟人生。」她笑言想重返過去預知未來，可得知六合彩中獎號碼，亦想變叻人。提到有份演出的《九龍城寨之圍城》將代表香港出戰奧斯卡，她笑言也想親身到當地參與盛事，亦希望快些開拍續集和前傳。