內地頂流小生肖戰前日（5日）生日，粉絲為佢鋪天蓋地咁大搞慶生應援，估唔到原來佢魅力非凡，連台灣新婚女星都為佢公開示愛，揀喺佢生日當日高調表白，震驚網友！台灣44歲韓瑜演過唔少本土劇，有「8點檔凍齡女神」稱號，已離婚9年嘅佢，依家心目中搵到最愛嘅男神，趁肖戰33歲生日，佢發文向偶像告白：「戰，生日快樂，當初喜歡你，就是因為看見你那乾淨漂亮眼睛，一眼萬年，想不到這麼多年，依然可以看到你純真的笑容，一如往昔 ，身為粉絲姐姐的我，覺得好幸福 永遠平安喜樂喔」句句都粉絲感十足，韓瑜就自爆因為煲劇而愛上肖戰，更鍾意到連社交網封面都換成男神，瘋狂追星。不過當被問到會否想同偶像談戀愛？佢就話唔會，覺得純欣賞就好。
同時，台灣上位女星王淨原來都係肖戰Fans，曾喺玩「男神2選1」遊戲時，懶理台灣「猛將」許光漢、林柏宏，多次揀肖戰，仲搞笑解釋：「我們都是單名，看起來比較配。」
東網網站 : https://on.cc/東網Facebook專頁 : https://www.facebook.com/onccnews/
留言 0