《3日2夜》吳紫韻出閣　秘嫁富二代做少奶奶

前無綫娛樂新聞台主播吳紫韻（Purple），因主持旅遊節目《3日2夜》和《姊妹淘》成功入屋。再憑劇集《婚後事》中以半裸脫衣誘惑黎諾懿而打響名堂。今日她終於傳來喜訊，與圈外富二代拉埋天窗。

吳紫韻向外分享結婚的喜悅：「因為老公係圈外人，我哋都好低調。」問到閃婚一事，她笑稱：「都算閃婚嘅，但屋企人就非常開心，因為都差唔多年紀，同埋一開始一齊就已經認定咗㗎啦，會結婚同組織家庭，有呢個計劃，因為老公係圈外人所以一直都未公布。」據知吳紫韻老公背景猛料，吳紫韻聞言：「佢做生意嘅，佢自己都有好多唔同嘅Business。」問到丈夫的求婚過程，她笑指：「老公係直男，都係直接問嫁唔嫁俾佢。 同埋一齊嘅時候，都覺得係以呢個方向去，所以好順其自然。」

其實，吳紫韻出身富裕，曾斥資近2,000萬元買入大埔白石角新盤朗濤一個面積逾千呎的三房單位。她之前亦有同家人一起投資，家人主攻投資海外物業。今年年初，吳紫韻亦與友人合資7位數醫美中心升呢做老闆娘。

東網網站 : https://on.cc/東網Facebook專頁 : https://www.facebook.com/onccnews/