內地一位幼稚園女老師，因為顏值太高，吸引唔少學生嘅的爸爸爭住接小朋友放學，搞到一班媽媽好不滿，要求學校開除該位靚女老師，因而引起網上熱論！
從相中可見，該位老師濃眉大眼，擁有混血兒般嘅美貌，睇上去仲同女星Angelababy撞樣，非常靚女。而佢嘅打扮亦冇任何唔檢點，只係着上白色上衣加一條黑色長褲，相當樸實。該位老師仲好用心咁教導學生，畀人溫柔有耐性嘅感覺，同學生相處好融洽。
唔少網友見相後，都為該位老師抱不平，仲話：「生得美麗原來有罪」、「當幼兒園老師真的不容易」、「明明能靠臉吃飯，卻去幼稚園工作」、「人美心更美」，睇嚟網民都好鍾意呢位靚女老師呀！
東網網站 : https://on.cc/東網Facebook專頁 : https://www.facebook.com/onccnews/
