藝人龔嘉欣主演無綫回歸單元劇《究竟天有幾高》，由於劇情牽涉到航天科技，籌備拍攝時她終於知道原來香港人亦有份參與火箭製造：「我哋去咗理工大學嘅實驗室取景，當中有火箭零件放喺度，工作人員都叫我哋小心啲，因為係畀國家航天局帶上太空嘅！」
龔欣見到1比1火箭大感震撼：「不過嗰度好有規矩，我哋係唔可以攞手機出嚟影相留念，只可以靠工作人員幫我哋影。」提到剛播竣劇集《十八年後的終極告白2.0》最後一集爆喊戲，其演技獲讚賞，嘉欣表示：「當日分咗3個場景拍，所以足足拍左6、7個鐘，我整個人陷入崩潰狀態，亦擔心演得未夠好。多謝譚俊彥幫我入戲，之前我已經同佢講，正式埋位時我唔知自己會點做，叫佢小心啲，摑完佢我隻手都腫晒，我從來未摑過異性，手感真係好正。」
東網網站 : https://on.cc/東網Facebook專頁 : https://www.facebook.com/onccnews/