《得寵先生》唐狗Little已離世　主人淚灑謝票：終於喺螢幕再見

溫暖小品電影《得寵先生》以唐狗為主角，由一宗可怕的流浪狗被毒殺事件，希望外界關注這批香港土生土長的狗狗，電影上映踏入第二周，已錄得突破200萬港元佳績，更加開人寵場，讓更多狗狗與主人一齊入戲院睇戲。當中戲中飾演「燒腩」的唐狗演員Little表現贏盡掌聲，台前幕後更封她為「最佳女主角」，可惜Little早前因病去逝，只剩下主人Suki現身謝票，飾演流浪狗舍義工盧慧敏亦表示：「好多謝你畀Little拍呢套戲，佢真係做得好好！」場面感人。

Suki提到Little在《得寵先生》的演出，在現場一度哽咽：「好開心《得寵先生》製作團隊搵Little做女主角，我一直都唔知Little有演戲天份，對電影咁有熱誠，不過我知道Little好鍾意人、好鍾意熱鬧，好鍾意學新嘢，所以呢個機會……多謝電影團隊喺整個拍攝期間畀咗好多愛Little，兩年後嘅呢一刻，我終於喺螢幕上再次見到Little，好開心、好感觸。多謝旦哥、Amy，所有演員拍出一套咁有意義嘅戲，令大家更關注流浪動物，希望大家支持領養。」

Little在戲中飾演傻氣的「燒腩」，戲裡戲外都成功融化鄭丹瑞的心，據知旦哥本來對狗毛敏感，後來經狗隻訓練員的帶領找到與狗狗共存的竅門，他在拍攝前與Little相處兩個月培養感情，他透露曾有好友警告他與狗狗拍戲不簡單，須準備多個替身狗演員，但鄭丹瑞指戲中幾乎所有鏡頭都由Little親自上陣，最多只有幾幕由替身代跑，又大讚Little聽話，在現場未聽過Little吠之餘，狗狗又好似聽得明導演要求，相當專業，如同天生的狗明星。可是Little在拍完《得寵先生》後就因為癌症離世，終年6歲，旦哥亦感性表示如果Little仍在生，希望可以攬着狗狗一起看這部作品。