由「宇宙最強」甄子丹主演的電影《誤判》開畫至今累積票房超過2700萬，為答謝觀眾支持，子丹日前率領團隊現身戲院謝票，甫現身即令全場尖叫歡呼。子丹表示：「之前一直喺度忙，終於可以加入謝票嘞，衷心感謝每位入場支持嘅觀眾朋友，新一年祝大家金蛇添福！」
席間子丹獲女粉絲公開「示愛」：「真係好喜歡你呀，本身今日搭飛機走，但知道可以見到你，我即刻改機票啊，希望你拍多啲動作電影俾我地睇！」子丹回應時坦言：「多謝妳，雖然我年紀唔細，但能夠拍到嘅時候都會繼續拍。」
東網網站 : https://on.cc/東網Facebook專頁 : https://www.facebook.com/onccnews/