美國網站TC Candler舉行的年度「全球百大俊男」，除了MIRROR及ERROR十六子全部入圍外，著名填詞人黃偉文（Wyman）亦有份入圍。Wyman迅即在社交平台發表「退選宣言」，希望大家：「笑過後就算，要尊重一下我的意願」，並向網民查詢是否可向主辦機構要求除名。
Wyman在社交平台出文表示：「首先，成件事我並無「參賽」完全被動，被題名咗都唔知咩事。陪大家開個玩笑，被大家惡作劇一下，喺疫情中提供一點歡樂，我係ok嘅，但我係無份用任何方式「搞」自己入去呢個名單嘅，非我性格亦非我所求，唯獨呢件事一定要講清楚。講完，請大家各適其適，繼續enjoy 呢個玩笑（自己知自事我諗唔會唔係玩笑而真係有咁多人覺得我有機會成為全球百大美男啩哈哈哈）。」
他並強調大家不要再恭喜他，並表示想知入圍準則，是否只要有一人提名就入圍。不少網民留言贈慶，例如讚Wyman是：「才華美。」，亦有人表示：「Sorry YY, 退選宣言只會令大家更踴躍去推你上Top 10」。根據TC Candler公佈，網民可透過官方YouTube頻道提名但不保證入圍，又或者以今年新增的課金方法，透過加入官方Patreon付月費，提名人選則保證入圍，始乎有心人用方法務必讓Wyman入圍。
另一實至名歸入圍代表：奇洛李維斯。
