冬天見到女生着短裙，望住都覺得凍！今個禮拜氣溫跌到得翻十幾度，條街仲係有好多女仔唔怕凍着短裙！到底係點解呢？唔通真係「愛靚唔愛命」！不過除咗貪靚之外，不過原來女生可能係偷偷地趁機減肥，等 Tutor Circle 尋補小編話你知4個女生冬天着短裙的原因吧！

1. 貪靚

短裙先可以顯得冇咁肥同矮！

冬天雖然好凍，氣溫跌咗好多度，但亦無阻女生貪靚嘅決心。因為着裙先可以展露白滑嘅長腿，上身己經着住厚重嘅外套，下身着翻條短裙先可以顯得冇咁肥同矮架！

2. 減肥

冬天着短裙都可以減肥？

另外，原來冬天着短裙可以幫助燃燒身體脂肪。身體嘅脂肪分為白色同啡色。白色脂肪係負責儲存能量，即係肥膏，而啡色脂肪可以燃燒脂肪同產生熱能。當氣溫特別低嘅時候，啡色脂肪嘅能量就會特別高，加快燒脂。同時，當氣溫跌到得翻14-16度嘅時候，身體部分嘅白色脂肪就會轉變成啡色，幫助燒脂。所以冬天着短裙可以加快大腿燒脂架！

3. 襯衫

着短裙可以係造型上有更多嘅變化

除咗減肥同貪靚之外，其實對女仔黎講，着短裙先可以襯多啲唔同嘅衫。前面已經講咗女仔係好貪靚，冬天流流長，淨係着褲點可能滿足到佢地對貪靚嘅慾望，着短裙可以係造型上有更多嘅變化，滿足到貪心嘅女仔們！

4. 保暖用品

充分嘅保暖措施

當然，聰明嘅女士點會俾自己凍親，皆因佢地都有好充分嘅保暖措施。暖包、暖貼、暖蛋、保暖內衣、絲襪等。全部都放咗係你睇唔到地方啫！所以下次唔好再問女仔點解咁凍着短裙啦！

Follow us on:
Facebook: Tutor Circle 尋補
Instagram: @tutorcircle
Website: https://www.tutorcircle.hk/blog/