好睡好起｜周嘉洛講講吓對白瞓着咗 「以為只係眨咗一眼」

周嘉洛親述點樣講住對白都瞓着咗。

無綫節目《好睡好起》本周四（15日）播出的第七集主題是「『睡』星」，並邀得藝人周嘉洛、伍詠薇、立法會前議員黃定光及政界名人「公職王」霍啟剛在鏡頭前公開「睡眠世界」。

三位主持方東昇、黃曉瑩及李曉欣貼身直擊周嘉洛其中一日的工作，談到被譽為電視城「頂級電兔」，周嘉洛笑言也有輸給周公的時候：「都會強制性熄機，試過喺拍緊我、我俾緊對白嘅時候瞓着咗。嗰時嘅情景就係我一擘大眼，見到啲crew全部望住我定咗喺度唔知做咩，因為我唔知我自己瞓着咗，我以為我眨咗眼嘅啫。」

周嘉洛大方分享獨門「快速叉電」大法。

同樣因為拍劇積下大量睡眠債的伍詠薇（伍姑娘），大方分享各樣睡眠問題及搶救大法，更首度走進睡眠實驗室接受測試，了解自身睡眠質素。同樣勇闖睡眠實驗室的還有「公職王」霍啟剛，他雖然公務繁忙，行程一個接一個，但仍盡量日睡7小時。

伍姑娘大方地在鏡頭面前展示睡姿。