【亞洲盃】潘沛軒：贏國足加強決賽週信心 盼球迷與港足共同進退

【獨媒報導】港足元旦日與國足進行友誼賽，香港在落後一球的情況下反勝中國，潘沛軒包辦兩個入球。今場贏波功臣潘沛軒對《獨媒》指，今場勝仗加強了在決賽周的信心：「因為喺足球場上乜都有機會發生，我想同球迷講，希望你哋繼續支持香港足球。我之前都講過話『nothing is impossible』，即係所有嘢都有機會發生，希望佢哋繼續支持我哋，同我哋一齊共同進退。」

足總圖片

港足之後將會與塔吉克、沙地阿拉伯進行友誼賽，繼續備戰決賽週。潘沛軒在賽後接受《獨媒》查詢時表示，對入球感到高興，「可以喺A級賽事度入波」。「潘沛」表示，要多謝隊友的配合，而且做到主教練安達臣的要求作前場逼搶：「好多謝啲隊友，好多謝屋企人嘅支持，即係一完咗場就有好多屋企人都有搵我，好多謝佢哋一直嘅支持。」

足總圖片

安達臣指反映高強度集訓的重要性 「進攻可以再好啲」

今場賽事在閉門的形式下進行，港足主教練安達臣賽後表示，比賽反映了近三星期高強度集訓的重要性，亦十分滿意球員的表現，認為球隊正在進步：「我哋進攻可以再好啲，令對手冇咁輕鬆，希望之後會再做好啲。」

安達臣續指今場沒有特別激勵球員：「佢哋本身已經好受到激勵啦。」他強調只集中思考要如何攻破中國大門，以及防守時如何更緊密。他指在過去三、四日不停練習前場快速組織、創造入球機會，今仗亦看到少許成果。

足總圖片

港足下半場連入兩球反勝中國，安達臣就稱祖連奴在上半場臀部受傷，所以在半場換入潘沛軒，最後更成為贏波功臣。潘沛軒在港集訓友賽傑志及香港U23時已攻入3球，今仗更梅開二度，已累計攻入5球，安達臣便盛讚他：「佢好有自信，佢對我哋嚟講好重要，佢又入兩球我都好開心。」