無綫熱播劇《叠影狙擊》一眾演員周秀娜、黃浩然、朱鑑然及胡卓希日前受訪分享拍攝感受。周秀娜劇中飾演孿生姊妹，分別是執法人員及保險從業員，兩姊妹職業及性格迥異，加上劇中有大量動作場面，體能和心力都有很大負荷，周秀娜卻笑言很享受：「聽到個故仔已經流晒口水！」
朱鑑然演技受考驗
劇中周秀娜除了先後與黃宗澤及黃浩然拍親熱戲，又與方力申、郭政鴻、關禮傑及李忠希有感情轇轕，看似享盡艷福，她卻苦笑無福消受：「佢哋咁多人對我一個，呢啲邊係艷福？呢種艷福我唔識享受！」
劇中飾演奸角的浩然被內地網民取笑是「戀愛腦」，他笑指與周秀娜同床心情興奮：「當晚我同佢都係煞科，心情特別興奮，但都有啲唔捨得。嗰日場戲凌晨3、4點先開始，所以有啲眼瞓！」至於飾演他得力助手的胡卓希，笑言恨做反派角色多時。而朱鑑然的角色相當悲慘，令不少觀眾感揪心，他很高興大家喜歡其角色，並指演四肢癱瘓很考演技。
場地提供：Fridge
東網網站 : https://on.cc/東網Facebook專頁 : https://www.facebook.com/onccnews/
留言 0