林作與鍾培生的百萬擂台大戰，由起初的口水戰到昨日開記招，似乎一切都會落實待9月進行，而坊間替此次賽事定名「林鍾大戰」，是食字笑位定還是一則寄語？但不少人確想一睹鍾培生，教訓一下這位一味靠是非谷人氣的林作。
在昨日記招，鍾培生被問到是次比賽意義，他斬釘截鐵地說︰「幫香港人出返口氣啦，佢一直都抽好多人水，好多死者啦，佢踩低其他人抬高自己囉！」事實上，抽水的確是林作的作風，由無時無刻都提起前度麥明詩，到荷里活影星「黑豹」查特域克保斯曼因大腸癌逝世而叫人買保險，種種惹火行徑都替他累積不少火頭。
事實上這次戰火都是源於抽水，事源鍾培生早前開YouTube頻道，透露每年都會用100萬去回饋會員，豈料林作突然在該報道的Facebook帖文留言：「抄我100萬？」說跟自己早前稱要籌100萬為保險團隊請100人撞橋。結果這句話激嬲鍾培生，隨即點名向林作挑機：「你咁想紅我幫你，我哋打一場，你贏咗我幫你找100萬，你輸咗我都畀30萬你。」
以為口水戰起口水戰收，點估到講到真打，於是林作開始出招耍花樣，先說要眾籌70萬作為打輸的補貼，但轉頭鍾培生已出帖稱：「港幣一百萬我輸贏都畀你。」金錢問題用金錢解決，林作想轉視線，提出︰「我畀二百萬港紙你，你俾我打一鑊。」對數百萬當係碎銀的鍾培生嚟講，200萬算咩？於是將視線拉回正軌，上載手執一大疊一千元紙幣的相片，正式向林作下戰書：「林作呢度100萬，你簽咗就係你嘅，我本身唔識你，你零誠信令我睇唔起你……我相信打得成，會係近年來香港人最開心嘅事，No bullxxxx let’s go」
錢解決不到問題，林作便搬出律師的專業來拖延一下。「由於本人以前是大大律師，所以做事比較謹慎，也注重細節。合約不是一朝一日的寫好的。」不過林作依然不失死剩把口性格，隨後又發文稱︰「如果我有三個月好好練、唔贏都幾難。」結果鍾培生火速回應：「畀夠你四個月，仲要咩條件。No bullxxxx let's go」到最後，雙方終於初步落實9月大戰。
從整個進程睇，一攻一退，一追一避，林作就是總有萬千個理由將自己合理化，所以未去到9月都一直有變數，即使去到當日都一樣可以有走數的理由，而且林生就是有不怕肉酸不要臉的賴皮，以他理論在這數月間已賺了見報，還用打？所以能否看到鍾培生在擂台上追住林作個嘴打？大家拭目以待。
撰文︰余建
Facebook專頁︰https://www.facebook.com/Stupid.View