笑到喊！阮兆祥做「張竹笙」　陸永扮「圓教授」

《開心大綜藝》開場後，突然話要播放疫情記者會，原來阮兆祥反串張竹君醫生扮演「張竹笙」，陸永扮袁國勇變為「圓教授」，跟同樣扮高官兼甩鞋嘅王祖藍，一齊「玩轉」另類疫情記者會。扮得入型入格的他們，又大玩無綫高層，指患者有變矮病徵，而患者正是王祖藍及曾志偉時，林盛斌一邊舉V字手勢並大叫：「食屎啦！王祖藍！」在旁的伍詠薇笑到喊。其實這幕是暗諷日前無綫新聞直播時，有巿民向鏡頭豎中指及爆粗的鏡頭。

之後當王祖藍說歡迎郭偉亮及羅敏莊從友台「回歸」時，螢幕即顯示姜濤的相片，並表示也歡迎對方，林盛斌再衝出來大叫：「又抽水，食屎啦！」明顯是自嘲早前鄧智堅扮姜濤事件。由於日前大股東黎瑞剛發表「迷失十年論」，王祖藍再自嘲話：「我哋唔會再迷失多個10年，因為有《尋人記》（方東昇主持的新節目）。」最後三人合唱《祝君好》，並十分正經地，表示要向醫護人員致敬，幽默之中為疫情打氣。

王祖藍扮相及動靜維肖維妙，令觀眾捧腹，他接受訪問時表示：「今日係第1集，所以點都要下苦功，多謝工作人員提醒我，甩鞋、飲水、托眼鏡都係指定動作。（研究咗幾耐？）我有睇新聞嘅，今次係想緊貼多啲時事，所以先有呢個構思，聽到觀眾反應好，都幾滿意，物以罕為貴，所以我未必集集都有呢啲扮嘢同亮相，但如果觀眾反應好會捲土重來，我都扮過好多高官。」問到節目再次重提姜濤，會否擔心又被圍攻？他說：「唔係，我哋持開放態度，我都講明又Mirror又Error又唔好意思，都只係玩吓。」

東網網站 : https://on.cc/

東網Facebook專頁 : https://www.facebook.com/onccnews/