李佳芯（Ali）、何廣沛和黃庭鋒等今日為主演劇《愛美麗狂想曲》宣傳，活動上眾人大玩睡衣派對，Ali更騎着廣沛及庭鋒，她笑言：「試勻兩大男神嘅腰力，大讚節奏Good Fit，我坐喺上面都不失平衡。」廣沛即怕醜稱，首次獲女生在公開場合讚腰力好。玩到面紅的Ali又笑認現實生活甚少俾仔圍，要透過戲劇世界享受，被問到是否甩拖很Dry？近日傳跟陳炳銓7年情玩完的她說：「現實中嘅我較內斂，鏡頭前才開放一啲，哈哈！」談到劇中與陳豪有床戲，跟廣沛則只有浪漫戲份，Ali表示較喜歡浪漫型男士，問到會否爭取下次與Ali拍床戲？廣沛笑道：「不用啦！講呢啲！」Ali即笑說：「廣沛大把啦，拍劇時試過眾多女伴，哈哈！」對於TVB高層李寶安下月退休，Ali自認不問世事，又笑稱年紀尚輕，未夠資歷做管理層；廣沛即笑說：「大嘅都唔敢諗，我做細嘅更加唔諗啦！」不過，二人亦趁機向新高層表達訴求，Ali希望將電視城遷往巿區，交通方便，也可爭取休息時間；廣沛就盼公司增加電費支出，將冷氣開得更大。
