「騙徒手法層出不窮」呢句說話大家都聽過,不過就硬係往往被網上美女嘅靚相蒙騙雙眼,今次就有在社交網擁有逾135萬名粉絲嘅大陸正妹網紅施子怡,因為直播賣貨就當場「炒車」!
20歲嘅施子怡一直Sell純天然Pure初戀樣,雖然唔算頂級美女,不過成日薄施脂粉,加上身形瘦削嘅佢又會「賣大包」,時不時豪晒4吋事業線及特級螞蟻腰,令到佢啲靚相令大家都鬼咁信服。
臉上有粒銷魂痣嘅佢,膚白貌美,瓜子臉配上大眼睛,完全係學生女神嘅Look,加上佢多次晒出自己從小到大嘅相,冇人會知道竟然佢連細個啲相都係P圖!
點估到,原來一切都係伏!近日佢於網上直播帶貨,曝光真實顏值,原來真人竟同照片嚴重不符,P圖後似足18歲嘅佢,直播中卻望落似40歲大媽,「甜心少女」形象蕩然無存,即被大批網友湧入佢Account留言要「舉報造假」,更被一沉百踩,有人留言:「照片都看得出來不是特別好看,不知道怎麼火的」,唉,可惜!可惜!
東網網站 : https://on.cc/
東網Facebook專頁 : https://www.facebook.com/onccnews/