早前網上瘋傳一段男子在茶餐廳點餐時，疑因不滿店外聚集大批警察而爆粗怒叫：「叉雞飯呀！X你老母」，成為網絡金句。近日有港男更因金句而在燒味店遭遇一段搞笑經歷。
該港男周五（20日）經過一間燒味店時，大聲爆粗：「X你老母！」誰料燒味師傅隨即叫停他，他頓時心怯，擔心遭師傅「尋仇」追打，打算急步離去之際，冷不防燒味師傅爆出一句：「叉雞飯跟湯定跟嘢飲呀？」
喜獲「知己」的港男聞言忍俊不住：「X你老母（叉雞飯）梗係配凍X茶啦」，更獲師傅給予「特別待遇」，將白切雞升級做雞髀肉。
不少網民笑言：「好正，想去幫襯」、「餐廳好多術語，例如靚仔、夏蕙姨…今日多咗樣叫『X你老母』即係叉雞飯」、「我去試吓，如果畀人打唯你是問」、「你碗飯…點解有聲？」
---------------
《港呢啲》：大事小事騎呢事，東網嚴謹選題，輕鬆製作！
東網網站 : https://on.cc/
東網Facebook專頁 : https://www.facebook.com/onccnews/
