航班延誤大家就聽得多，自己大頭蝦趕唔切上飛機又有冇試過？網民就在討論區以「一人一個miss咗飛機班次嘅經歷」為題，討論一下大家錯過咗飛機嘅經歷。不過飛機唔等人，大家買機票嗰刻，記住望清楚航班資料，出發當日早兩個鐘到機場，如果唔係，延誤咗行程就唔好啦！
撰文：JB | 圖片來源：LIHKG、新傳媒資料庫、電影劇照
網民分享 錯過飛機班次經歷！
1.身體不適
去旅行期間生病一定是最掃興的事，不過在未上機入閘前，就開始肚痛、頭暈、作嘔，最後仲錯過埋check-in或者上機時間，就一定係「慘上加慘」喇！
有時急起上嚟真係好難忍…… 雖然今次旅行去唔到，但起碼有得退番部分旅費！（圖片來源：LIHKG）呢位網民好似去咗二度空間咁…… 但總算等到下班飛機繼續行程！（圖片來源：LIHKG）2.記錯出發日期
記住！買機票時要睇清楚出發日期、時間，出發前都要再double check！
試幻想下，本來滿心期待地拿著護照去櫃枱check-in，但地勤就同你講：「先生，你班機尋日飛走咗喇！」心情馬上跌落谷底，仲想搵窿捐……
地勤：「先生，你班機尋日飛走咗喇！」 （圖片來源：《我可能不會愛你》劇照）人生總會有大頭蝦的時候，但試過一次就好了。（圖片來源：LIHKG）酒店住宿都蝕埋！（圖片來源：LIHKG）有好多網民都表示有相似的經歷。（圖片來源：LIHKG）學下呢位朋友仔，核對多幾次航班資料啦！（圖片來源：LIHKG）3.冒失旅伴
同成班朋友一起去旅行係一件好開心嘅事，但如果遇著啲冇時間觀念的旅伴就會非常傷腦筋。
無論自己有幾小心謹慎都好，總會被他/她拖累，輕則搭錯車、去錯景點，重則就是遺失護照、錯過飛機！
冇時間觀念的旅伴令人非常傷腦筋。（圖片來源：《原諒他77次》劇照）明明預早了時間，但去錯機場。（圖片來源：LIHKG）好心提醒朋友要早啲到，但結果都係遲到。（圖片來源：LIHKG）買錯機票都係常犯錯誤之一。（圖片來源：LIHKG）4.瞓過龍
睡眠對於香港人嚟講，真係好重要，但瞓還瞓，特別係搭早機嘅朋友，記住校多個鬧鐘以備不時之需，上咗機再慢慢瞓啦！
搭早機嘅朋友，上咗機再慢慢瞓啦！（圖片來源：新傳媒資料庫）自己延誤又咁啱遇著航班延誤，但未必次次都咁好彩。（圖片來源：LIHKG）唔係每個人都可以好似呢位網友咁好彩，可以唔使錢轉另一班機！（圖片來源：LIHKG）如果真係起唔到身，不如下次book下午嘅回程航班。（圖片來源：LIHKG）5.遲到
飛機唔等人，遲到真係唔可以怨航空公司，只可以怪自己……
遲到真係冇得怨。（圖片來源：新傳媒資料庫）如果錯過咗回程航班，而下班機要9日後先有位，就大件事。（圖片來源：LIHKG）你等人，但飛機唔等你啊！（圖片來源：LIHKG） 