容祖兒時隔7年再開簽名會 逾千歌迷逼爆銅鑼灣

容祖兒時隔7年於昨天（7日）再次舉辦簽名會，吸引逾千粉絲到場，有歌迷更購買兩張黑膠唱片、一家大細現身支持。活動期間，有歌迷對祖兒說︰「我追咗你20年，我今年20歲。」祖兒笑問︰「即係你一出世就鍾意我？」有歌迷讚祖兒靚女，祖兒又說︰「你影相嘅時候都冇望我，點知我靚？」現場粉絲聞言大笑。簽名會在英皇娛樂期間限定概念店舉行，祖兒趁機會抽閃卡及拍攝四格相。她被問到想抽到誰人的閃卡時說「梗係成哥（老闆楊受成）啦」，惟最後抽到好友張敬軒的閃卡，再抽一次才如願以償。有歌迷表示祖兒手上的閃卡被炒至2000元，祖兒說︰「我割愛，畀你喇，你哋夾2000蚊畀我。」

（即時娛樂）