鬧市樓上壽司發辦小店任食手卷　食勻海膽、北海道松葉蟹肉、拖羅手卷｜極鮨｜銅鑼灣

講起壽司發辦，唔知大家鍾意坐Bar枱定大枱多，發現原來有啲朋友，未必鍾意壽司Bar枱咁多交流，而會想private啲咁撐枱腳，今次片中就坐咗係大枱，不過其實呢間兩種枱同榻榻米房都有。

隱藏係鬧市樓上嘅發辦小店，一向走性價比高路線，應該係全香港數一數二抵食，之前都做過買一送一(即係半價)，今次仲出埋任食手卷，仲要連海膽、北海道松葉蟹肉、拖羅手卷都有任食。

-
🍱おまかせ - 楽 (買一送一 $590)
全餐有齊前菜一款、刺身二點、壽司十貫、任食手卷、湯物、甜品(有開心果雪糕)，而且買一送一超抵食，聽講每日限量頭10位預訂就有。

🔸前菜
🔸刺身二點
🔸任食手卷
🥢海膽拼北海道松葉蟹肉蟹膏手卷
🥢萬能蔥拖羅魚蓉手卷
雖然任食但都超足料，而且都係即叫即握，用上海膽同北海道松葉蟹，平時出邊嗌都應該要$98件，另外連拖羅蓉都有，基本上追2件都回本。

🔸壽司十貫 (廚師發辦)
🥢金目鯛 🥢炙燒黑鯥
🥢深海池魚 🥢煙燻鰹魚
🥢北海道鮮帶子 🥢炙燒間八
🥢愛媛縣蜜柑鯛 🥢炙燒太刀魚
🥢昆布漬鯖魚 🥢鹿兒島中拖羅
壽司都係日本空運魚料，按時令季節發辦，又會按魚料性質做唔同配搭/調味，而且都係主打稀有嘅高級魚料，呢個價錢性價比超高。

🔸湯物
🔸甜品 - 當日有開心果雪糕 (生日有畫碟)
🍻90分鐘任飲生啤 (+$90)

-
🍱佢地另外仲有其他set揀，最平都係買一送一後$490，或者豐富啲嘅選擇都有，而且生日都有特別畫碟同甜品果啲，果日都見有唔少人黎慶祝。

-
極鮨
🗺銅鑼灣軒尼詩道525號澳門逸園中心10樓
️📞2833 5528 / 6448 8835

生活