陳友、黎瑞恩將合作演出音樂劇《娛樂圈夫人》，兩人今天（8日）舉行記者會公布詳情。《娛》以妻子10年前的患病經歷作題材，陳友稱這是個關於神蹟的故事，他除了演出，還兼任其他工作，但會盡情享受過程，不會有壓力。陳友說︰「之前溫拿開騷，我申請唱一首歌，班兄弟話要賣晒飛至畀我唱。今次我話做音樂劇，佢哋又烏鴉口，話『上主祝福你』。阿倫（譚詠麟）想嚟睇綵排，佢咁多金曲，應該要做音樂劇﹗如果佢求我，我都可以幫手寫劇本。」
談到拍檔黎瑞恩，陳友讚她是義氣仔女，自費請老師幫忙對稿。黎瑞恩稱首次看劇本時已感動落淚，因此一口答應演出，完成本月兩場演唱會後便開始排練。她說︰「第一次演音樂劇，演音樂劇唔係我專長，上次做舞台劇都覺得表現唔係幾好，所以今次要加強練習。我已請咗老師幫我對稿，唔想失禮，因為今次音樂劇個故事係真人真事改編，做得唔好會過意唔去。我要加強練習，之前覺得有啲壓力，瞓唔到、病咗兩日，之後經朋友疏導情緒，至冇咁緊張。」
（即時娛樂）
留言 0