內地影帝黃曉明早前現身星光熠熠嘅大灣區晚會，台下風騷搶鏡，原來佢當晚係帶同現任女友、32歲有米網紅葉珂一同出席，更豪氣請埋葉珂其他索女friend去睇騷兼追星，本身都冇乜人知，不過葉珂嘅索女朋友就高調晒合照，威威梗要畀人知！有網友就指，自黃曉明官宣拍拖後，葉珂嘅低調女友形象亦開始變調，頻頻開Live語帶雙關咁令人諗聯想到黃曉明，亦似足明星咁為自己澄清。
今次「#葉珂自曝臉上微do#」登上熱搜首位，原來係葉珂開Live時，被網友問臉上do（整容）了嗎？葉珂首次大方回應：「微do但真的do的不多，不是從頭到腳都科技人，一點點科技，40％科技吧…」即令人驚嘆佢原來整容近一半嘅程度，難怪佢初被爆出同黃曉明拍拖時，就被網友稱為「翻版Angelababy（黃曉明前妻）」。
東網網站 : https://on.cc/東網Facebook專頁 : https://www.facebook.com/onccnews/
留言 0