台灣女星陳意涵於2018年同導演許富翔結婚，婚後育有5歲囝囝「丹丹」及3歲囡囡「彤彤」嘅佢，今年更憑電影《小曉》，獲頒「2024台北電影獎」最佳女配角，而不時透過社交網分享生活點滴，早前更晒出做高難度瑜伽動作嘅片段，引嚟唔少網友大讚佢狀態大勇外，現年41歲嘅佢日前更晒出素顏相，未料似乎太過真實，嚇窒唔少網友道：「落差有點大。」
只見身穿運動套裝戴上頭巾嘅陳意涵，將招牌劉海梳起晒外，超近距離嘅自拍角色，更將佢41歲嘅真實面貌展露無遺，少咗妝容修飾嘅素顏樣，女神嘅黑眼圈及肌膚瑕疵都相當明顯，巨大嘅落差感嚇窒唔少網友外，亦有網友力挺道：「燈光關係，看起來氣色不好啦！」、「素顏明明就很漂亮呀！」、「狀態還是很好。」
東網網站 : https://on.cc/東網Facebook專頁 : https://www.facebook.com/onccnews/
留言 0