黃劍文《中年好聲音2》一開口即獲讚　孫耀威現身為胞妹孫美賢打氣

明晚（9月17日）TVB播出的第二集《中年好聲音2》，繼續是首回合盲選爭入60強的比賽。今集出場的選手歌唱水準很高，當中以40歲的黃劍文較為觀眾認識，他是歌唱比賽常客，曾以創作歌手身份推出個人專輯。獻唱《閉目入神》的黃劍文，一開口便獲肥媽大讚：「我幾鍾意佢把聲。」張佳添說：「唔少人都認識你，我一直覺得你把聲好值得喺香港畀多啲人認識，希望你把握呢個機會。」

在海選一鳴驚人、42歲電影導演顏米羔今集亦會登場，他獻唱張學友的《望月》贏得好評，張佳添說：「你畀我嘅感覺係張學友加黃貫中。」周國豐更指：「你係我今季最期待嘅聲音。」

孫耀威胞妹孫美賢亦會於今集出場，43歲的她是兩個小朋友的母親，為圓歌唱夢專誠由瑞士巴塞爾飛回香港參賽，選唱《執迷不悔》的她被肥媽笑指：「你同隻歌一樣都係執迷不悔，係都要揀首難度高嘅歌！」孫耀威亦有現身為妹妹打氣，他在台上笑說：「佢其實好Enjoy今次比賽，佢話呢個台識轉，卡啦OK邊有呢啲嘢吖！」

被封為「龍婷2.0」、39歲的鍾維報稱是儀態學校創辦人。聲線激似鄧麗君的她獻唱《償還》，肥媽大讚：「你有鄧麗君嘅唱腔，但你有自己嘅Style，You are so charming，呢個係你發自內心嘅嘢，冇人可以攞得到。」

來自馬來西亞馬六甲的陳慧智隻身來港比賽，報稱從事網絡內容創作的她因收入有限，每次來港比賽的使費對她來說均是很大負擔：「因為費用都好貴，每次嚟都要諗辦法Cover費用，我唔知下一次仲有冇本事嚟到香港，但我都會繼續諗辦法，直到真係冇辦法為止。」