無綫全新節目《360秒人生課堂》每集都會邀請不同嘉賓用360秒的演講分享自己的人生經歷，今晚播出一集將會有「無綫御用傻人」戴耀明作客，節目上他慨嘆入行多年依然有街坊以「茄哩啡」稱呼他，更自爆暗戀過佘詩曼（阿佘），曾借醉表白：「我好掛住你。」
戴耀明分享自己當年入行做演員是因為怕悶：「今日可以做飛機師，聽日可以做律師，後日可以打劫阿婆，諗起都開心！」不過雖然多年來飾演過無數劇集，有古裝有時裝，亦扮演過多個角色如記者、綁匪及日本軍官等，但依然有觀眾記不起戴耀明的名字，有兩次在街上更被街坊以「茄哩啡」稱呼，令他感到無奈。
戴耀明更在節目上提起家人，在爸爸離世後就負起照顧現年80多歲媽媽的責任，媽媽最大願望就是想他找到個好女伴，可惜他至今依然單身一人，令他自覺對媽媽感到歉意。其實多年前戴耀明曾自爆暗戀阿佘，二人因為2004年合作《金枝慾孽》而認識，當年已經很大膽經常跟阿佘講：「我賺到錢會娶你做老婆。」更曾借醉示愛傳短訊「我好掛住你。」畀阿佘，可惜慘食檸檬得不到回應。節目尾聲，戴耀明更大大聲講：「我唔係邊個邊個，我亦唔係茄哩啡，我個名叫做戴耀明。」
