請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

保錡繼續「當兵」 自肥搵靚女拍MV演親密戲

保錡今日推出新歌。
保錡今日推出新歌。
這次他在MV中繼續做兵,同時也是一位精神病患者。
這次他在MV中繼續做兵,同時也是一位精神病患者。
更搵靚女拍MV演親密戲!
更搵靚女拍MV演親密戲!
再一次自肥!
再一次自肥!
又話自己好怕醜,表現尷尬。
又話自己好怕醜,表現尷尬。

男團ERROR成員吳保錡作為今年樂壇新人,今日(30日)推出的新作《羅曼蒂克衰亡史》。MV中保錡與女主角的親密鏡頭更勝上回《猥瑣》,這次保錡在MV中繼續做兵,但他同時也是一位精神病患者,不停有FF畫面出現!他說:「我呢位精神病人幻想好多愛情經歷,但全部都係幻想出嚟,最終女方係冇出現過。其實MV都係講緊做一隻兵,你可能會無私奉獻畀你鍾意嘅人,但佢身邊已經有一個佢鍾意嘅人,你永遠只能做佢後備,好多嘢都係我哋呢啲兵自己幻想出嚟,好美好,但都只係虛構。」

講得做兵,當然要有女主角,今次他親自找來網紅雪瑤參與MV演出,難道想再一次自肥?他說:「上次搵咗Heidi(李靜儀),今次想搵新啲嘅面口,睇吓會唔會做到新嘅感覺,想畀人睇到不論MV或唱功都有全新感覺。喺熊仔頭個騷見到雪瑤嘅表現、佢嘅樣,我覺得好適合個MV,就邀請佢返嚟。」

雖說是為粉絲帶來新鮮感,但做得兵,在充滿美感的畫面上都不乏親密鏡頭,MV其中一幕說到他幻想與所愛的人咀嘴,想不到親密程度令他變得十分怕醜,表現尷尬。他回想起說道:「未試過演呢啲戲,今次係冇kiss到,只係扮kiss,不過咁近都有少少緊張。過去我只奉獻過畀阿Dee(何啟華),我最叻同男人Kiss!同異性係未試過,所以喺鏡頭前咁多人喺度,有少少驚同拘謹。」

除了女主角,今次他的MV也有隊友肥仔加持,拍攝MV當日他特地前來探班,更二話不說幫忙做幕後,在他拍攝雨景一幕幫忙噴水壺,不過見肥仔起勢狂噴十分開心,似玩多過幫忙呢!不過兩兄弟自然冇計啦!

東網網站 : https://on.cc/東網Facebook專頁 : https://www.facebook.com/onccnews/

查看原始文章