台慶︱馮盈盈華麗轉身漏奶「胸」贏莊子璇

3位港姐冠軍馮盈盈、莊子璇及黃嘉雯今晚（19日）齊齊行台慶紅地氈，早前盈盈與莊子璇同為母校拍訪問片，兩人以英語對答，然而，盈盈被批生硬做作，被師妹莊子璇比下去，今次兩人再度同場交手，盈盈以黑色交叉形設計的晚裝上陣，大晒波邊及波底，連纖腰及玉背亦一覽無遺，性感爆燈，揮低超低V的莊子璇以及谷盡湯碗胸的黃嘉雯，拍照期間盈盈更自動波轉身好讓大家飽覽其美背，認真識做，搶盡身邊兩人風頭，總算挽回面子威番次。

至於邵初亦玩中門大開，只有兩塊布遮住胸前兩點，全大裸背任睇，疑似真空上陣，一步一牙煙。

東網網站 : https://on.cc/東網Facebook專頁 : https://www.facebook.com/onccnews/