林二汶為無綫《聲夢2》做導師 放棄ViuTV 6年《戴頭盔》主持

自2016年ViuTV開台後至今，林二汶、余迪偉一直主持ViuTV節目《晚吹 - 又要威又要戴頭盔》至今，播足6年，更是《晚吹》系列甚至ViuTV最長壽的節目，但林二汶最後決定，為了擔任無綫《聲夢傳奇2》的導師，最終放棄《又要威又要戴頭盔》女主持一職，下星期開始由徐㴓喬（Asha）頂替。

林二汶過去拍攝不少ViuTV節目，除了《又要威又要戴頭盔》外，曾主持《Barter Game價值連城》、節目《人住公屋 我住公屋》、《對號入座》，其中《全民造星III》更擔任A組導師，被參賽者稱呼為「二汶爸爸」。

只不過，林二汶去年現身無綫《萬千星輝賀台慶》，令不少粉絲感到失望，更一度傳出北上參加《聲生不息》但最終無份。自此，她只在《又要威又要戴頭盔》出現，就連ViuTV的《Chill Club 推介榜年度推介21/22》頒獎禮，即使入圍亦沒有現身，卻在網上開Live唱歌。

早前無綫公布選秀節目《聲夢傳奇2》，林二汶是星級導師之一，網民隨即質疑林二汶食兩家茶禮，她曾經說過：「其實我做咗廿年音樂，我一直都好相信，音樂係應該冇分國界，無分任何嘅邊界，因為音樂本來係應該要嚟溝通，而唔係孤立，我哋其實一直追求百花齊放，唔係咩？」

當時林二汶又指：「我今年開咗自己嘅音樂教室，我想嘗試傳遞一個訊息，就係音樂應該係冇分邊界，應該一心只為音樂嘅發展，如果我分得咁清，咁我教出嚟嘅學生，唔係會墨守成規同故步自封咩？我哋做音樂嘅人，我教出嚟嘅學生，我希望佢哋明白一個訊息，音樂係應該懂得海納百川。」

林二汶即將擔任《聲夢傳奇2》的導師，而《又要威又要戴頭盔》則換上Asha擔任女主持，余迪偉亦指對方只是代班，而網上聲音嘲諷不少，亦有網民擔心Asha未必適合做這類主持工作。