港姐出身的楊思琦自從於2011年同拍拖9年的李永豪分手後,翌年突然在微博宣佈自己誕下囡囡楊卓穎,但就未有公開囡囡爸爸的身份,去到2020年4月楊思琦再誕下仔仔Kody,曾透露仔仔爸爸是圈外人,二人於2019在美國註冊結婚,但老公身分一直成瞇。
對於楊思琦老公的身分外界一直非常好奇,近年專攻內地發展的楊思琦近日接受內地傳媒訪問時就罕有地提起老公,表示:「我有老公啦喎!因為佢係圈外人,佢本身過一個正常嘅生活,而俾人哋去追訪佢,搞到佢未必可以接受得到。」
訪問入面楊思琦亦講到自己好少時間陪兩歲大的仔仔,表示去廣州半年有接近四分之一的時間不能陪伴他,令她有少少內疚,又話沒想過為了家庭而放棄事業,相反想更努力發展︰「現今嘅社會我覺得真係事業對於女性嚟講係好緊要。其實我自由度都算係好大㗎喇,好彩有屋企人幫我睇住啲小朋友,令到我喺我工作上面可以有啲唔同嘅發揮同埋一個新嘅嘗試。」