台灣啦啦隊女神林艾融樣靚身材正，唔止有着飽滿渾圓嘅32C上圍，其日系甜美靚樣，更係冧暈唔少宅男，日前推出嘅寫真更係供不應求，認真搶手。
憑流利口條獲封「最正MC」嘅艾融，近日推出寫真嘅佢，身穿心口開窿嘅黑色短裙現身簽書會，露出豐滿半球及深長事業線，簽書會上艾融分享道自己好鍾意食雞排等炸物，所以為咗喺寫真中呈現最佳狀態，特地喺拍攝期間努力克制食欲，每日剩係食香蕉同埋水煮蛋，維持Fit到漏嘅零贅肉好身材。
另外，艾融亦透露自認全身上下最性感嘅地方係鎖骨同埋嘴，雖然曾被網友嘲笑過係「血盆大口」，不過亦因此得福學識欣賞自己嘅獨特，並舉例道：「很多女明星，例如安妮希芙威（Anne Hathaway）嘴巴都大，網友之前說我笑到裂開我就會暴走，立刻打電話給朋友抱怨，說完就好了，很快就會把負面心情拋到腦後。」而提到人生第一本寫真，艾融亦分享道最鍾意着趴喺沙灘嘅相：「我拍室外景跟室內景中間大約隔3個月，拍室內的時候比較肉，手臂身2明顯，不過也想說可以讓粉絲看到兩種面向的我。」
東網網站 : https://on.cc/東網Facebook專頁 : https://www.facebook.com/onccnews/