鍾欣潼原來係虞書欣「未來奶奶」　靚仔「老公」終極曝光

人氣女神鍾欣潼（阿嬌）最近同內地女星虞書欣、小生丁禹兮合作劇集《永夜星河》尋日（1日）首播，本以為男女主角虞書欣、丁禹兮做主打，點知隨住其他演員劇照曝光，阿嬌一身古裝靈氣打扮即跑贏虞書欣，氣質大爆發嘅佢，雖然已一早被爆係飾演丁禹兮媽咪，即係會做虞書欣「未來奶奶」，依家都多埋個「老公」、內地型男徐海喬，俊男美女企埋一齊極盡養眼！

劇中阿嬌同徐海喬一見傾心，徐海喬為了阿嬌，願意拋下一切，只想同佢長相守，不過最後卻被迫分離，似乎會係Sad Ending。網友大讚阿嬌夠晒靚，無憂清純樣好Pure，尤其佢個美顏暴擊靚爆鏡，令人心動。

東網網站 : https://on.cc/東網Facebook專頁 : https://www.facebook.com/onccnews/