黃建東包辦台前幕後兼創作　泡製廣告歌出心出力

藝人黃建東 (東東)近日和媽媽黃葉慧茵 (Diane)獲著名家電品牌邀請拍廣告，由東東一手包辦台前幕後包括創作、導演、監製、演出以及廣告歌都是他自己作：「上一次我一個人包辦成個廣告，客戶都表示好鍾意我寫嘅廣告歌，所以好高興今次受邀為佢哋創作和導演呢個廣告。

其實六月嘅時候我一邊要籌備《福祿壽訓練學院》決賽表演，同時又要趕籌備廣告拍攝，兩邊都要度橋創作，差啲精神分裂。」東東和媽媽再度母子檔合作，不過今次廣告需要有個兒子，所以東東首次拍廣告做爸爸，笑言「唔認中年都唔得」，東東又指由《福祿壽訓練學院》比賽至今總共瘦了三十磅，問到東東接下來是否幕前幕後都會兼顧？他說：「其實一直有唔同品牌想搵我度橋拍廣告，而我自己亦好享受創作，成日都有好多靈感，所以嚟緊希望擺多啲時間去度橋同埋寫廣告歌，希望幕前幕後雙線發展。」

東網網站 : https://on.cc/東網Facebook專頁 : https://www.facebook.com/onccnews/