李幸倪（Gin Lee）、黎展峯、曾傲棐及女團VIVA，日前到兩間中學舉行School Tour，分享面對壓力或困惑時的處理方法。Gin Lee自言是做事時十分認真的人，因此為自己帶來不少壓力。她認為「Work Hard Play Hard」非常重要︰「認真工作嘅時候就要全程投入，做完嘢返到屋企，我會有個me time，可以做啲伸展，影相又得，睇書、放空又得。搵一啲你喜歡同健康嘅小活動，等自己有個渠道可以抒發，聽音樂都係一個好好嘅方法。我覺得溝通非常之緊要，你要畀屋企人知道你經歷緊啲乜嘢，佢哋先可以知道點樣去幫你。」
黎展峯被問到被比較時會如何應對，他說︰「最重要係忠於自己﹗就算身邊嘅人唔相信你都好，只要你相信自己，你就一定會成功。」曾傲棐回憶過往在街頭表演時，少不免被人評頭品足，經歷多後就有一套自處方式。他說︰「一開始Busking嘅時候，會想切合大家想要的形象，但消化過後覺得唱歌都係一樣表達自己嘅工具，誠實做自己最緊要。」VIVA寄語同學︰「希望大家珍惜喺中學嘅時間，因為我哋4個都覺得畢業後最掛住中學嘅時光。」
（即時娛樂）
留言 0