今晚（19日）播出的ViuTV節目《晚吹 - 有酒今晚吹》，邀請到陳蕾擔任嘉賓，陳蕾在節目中指以前所屬的唱片公司因要塑造文青形象，曾限制其衣著：「爛牛仔褲、無袖衫唔著得，唔可以露膝頭哥。嗰陣就諗如果咁樣都唔得嘅話，平時講嘢粗魯少少實鬧喇，所以做訪問都唔敢亂講嘢。」
陳蕾於2015年獲日本經理人公司Amuse Music垂青，簽約成為福山雅治、One Ok Rock的師妹，以為踏上夢寐以求的音樂路，型格的「豹哥」竟被打造成日系文青少女。
陳蕾坦言當時維持形象一段時間，感到十分迷茫：「係咪因為公司覺得原來嘅我唔會有人鍾意，所以要俾呢個軀殼我？咁其實公司只係鍾意塑造出嚟嘅我咋嘛。」陳蕾笑言因過往的經歷和其內在堅強的特質，所以現在都予人「型格」女生的感覺。
另外，陳蕾分享一件因醉酒而想懺悔的事件。在Dear Jane剛發表《聖馬力諾之心》時，林欣彤（Mag）在公司Group分享其中一句歌詞「我是個怕輸的人仍然扮勇敢」。陳蕾笑言因自己當時已喝醉，誤以為Mag不開心，所以就不停傳訊息安慰對方。誰知此舉反而令眾人擔心：「全公司都好擔心係我有咩事。最後，佢哋差唔多10個人，包括歌手一齊出咗嚟搵我，搞到第二日我唔敢睇返啲message。」