請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

新聞女王|視帝陳山聰壓軸登場 演活輕度弱智爸爸

明報

更新於 2023年12月22日05:34 • 發布於 2023年12月22日05:32
陳山聰在《新聞女王》大結局壓軸登場,飾演輕度弱智爸爸賴志雄。(大會提供 / 明報製圖)
陳山聰在《新聞女王》大結局壓軸登場,飾演輕度弱智爸爸賴志雄。(大會提供 / 明報製圖)
陳山聰感謝好友余詩曼,回憶與她合作拍這場戲十分享受,希望將來再有機會合作。(大會提供)
陳山聰感謝好友余詩曼,回憶與她合作拍這場戲十分享受,希望將來再有機會合作。(大會提供)

無綫台慶劇《新聞女王》今晚(22日)連續兩小時大結局,視帝陳山聰壓軸登場,飾演輕度弱智爸爸賴志雄,因女兒嘉嘉無故墮樓身亡兼一直求助無門,最終持刀及炸彈走進校舍脅持人質,其間更因受刺激而一度失控,牽涉其中的Man姐(佘詩曼飾)亦因此身陷險境。內地平台早前已播出大結局,山聰的演技贏得好評,有網民稱其演出令人想起經典劇集《大時代》中由劉松仁飾演的方進新。

山聰放下有型外表,飾演基層家庭的輕度弱智爸爸,舉手投足、表情聲線均入型入格,演活失去女兒的痛心、無助及絕望。他表示︰「我相信呢個係我入行以嚟其中一個真係幾難演嘅角色,當時鍾澍佳總監製同我講要拍呢個角色,我都『嘩」咗一聲。我開頭仲同阿佘(佘詩曼)講我嚟客串同佢玩兩場戲,諗住好似Bosco(黃宗澤)咁著套西裝行行企企講兩句對白,冇諗過要搞成咁。作為演員,可以遇到有難度嘅角色,其實好開心。我同戲劇老師一齊研究角色,用咗好多時間去諗到底呢個角色嘅輕度弱智要去到幾多呢?點樣分輕重呢?因為大家對陳山聰有固有印象,佢突然做個咁嘅角色,大家會唔會認同,如果一做錯咗就會有反效果。」

山聰表示為角色設計造型已很頭痛,當時正拍攝另一套劇《奪命提示》的他因髮型所限,如何設計也被指沒半點老土味道,最後決定將頭髮電曲。山聰說︰「呢個髮型係我爸爸以前電過嘅,我係參考佢35年前嘅髮型。雖然只係拍3日,我感覺同拍30集冇分別。第1日朝早06起身已經開始入狀態,收工返到屋企已經攰到咩咁。第2日繼續,過程辛苦但非常享受。今次唔係因為阿佘,我都唔會遇到一個咁好嘅角色。以前同佢合作,佢已經係超班。今次同佢演咗一場好戲,一如以往佢非常有感染力、好易就畀佢帶到入戲,所以拍攝過程好享受,真心希望將來有機會同佢再玩過。」

(即時娛樂)

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 1

  • David Lai
    睇嚟唔套曬冷劇不單想名利雙收,仲想響大陸響朶添!
    2023年12月22日06:57
顯示全部