陳敏之指半年前獲邀出席婚禮　鄭嘉穎無辜再中槍被指欠誠意

馬國明（馬明）與湯洛雯（靚湯）於上周遠赴泰國蘇梅島舉行婚禮，事後二人更不停在IG更新婚禮照大晒幸福。而舉行婚禮前，因鄭嘉穎被傳出一句「嘥時間」，軒然大波，隨後更要在公開場合澄清，以及為馬國明婚前帶來這麼多麻煩而致歉。不過事件仍有餘波，事關當中擔任兄弟團成員的陳敏之（Sharon），昨日在社交平台上載做兄弟的照片，而貼文中似不覺意透露了原來馬國明早在半年前邀請大家出席婚禮，從而間接令鄭嘉穎再被網民指無誠意。

陳敏之在文中寫道︰「記得半年前的一個早上　收到你的Whats app　說你要結婚了　想邀請我們出席　問我可以嗎？　嗰一刻我真係好感動　跟住諗都冇諗　就即刻答你　我哋一齊出席　非常替你們高興」隨後Sharon就指自己立即訂機票、請假兼保守秘密，並寫道自己與馬國明認識了20年，於2003年拍《下一站彩虹》而認識。最後更說自己還在回味二人的婚禮。「我而家仲喺度回味緊　蘇梅島嘅點點滴滴　啲相應該有排post」可見Sharon比一對新人更興奮。

而正正就係一句半年前已相約大家，令鄭嘉穎再次無辜中招，被網民批評冇誠意，認為對方早在半年前邀請，如有心去點都可以安排時間，當中以內地網民反應較激烈，但亦有人撐嘉穎，指要湊三個小朋友，的確是難遷就時間。不過大家的留意都冇影響敏之心情，今日又再發佈新相，看來「有排post」不是戲言。