倒數！仲有兩日就到聖誕，工作纏身嘅你仲未諗好點過聖誕，咁就要睇落去啦！今日小編為大家收集咗遍佈港九新界嘅自助餐！各位美食專家，以下咁多間必定有間啱你心水！
聖誕節緊係要約齊家人、朋友又或者同事食餐好！狂歡嘅節日裡富豪香港酒店為食客準備咗豐富嘅美酒佳餚，仲有聖誕佳音，現場多個精采節目保證令你樂而忘返！
餐廳特別以鮮蠔、龍蝦及斧頭扒為主打，配以多不勝數的新鮮海鮮菜式、應節甜品及精采節目，與你共度繽紛聖誕﹗
午餐: 12月24 號: HK$358 (成人價錢) / HK$258 (兒童價錢) 12月25號: HK$528 (成人價錢) / HK$308 (兒童價錢) 晚餐: 12月24號: HK$698起 (成人價錢) / HK$458起 (兒童價錢) 12月25號: HK$678起 (成人價錢) / HK$458起 (兒童價錢) 地址： 銅鑼灣怡和街88號富豪香港酒店
*************************
登臺酒店餐廳「廚意」推出一連兩天的聖誕盛宴，多款食物滿載聖誕氣氛！「廚意」精心預備了靈感來自意大利嘅節日佳餚，會喺平安夜及聖誕節當日午餐時段驚喜登場！
其中有慢煮火雞沙律、紅菜頭醃煙三文魚作為前菜；另外還有肉質嫰滑的烤龍蝦尾脆包、釀燒日本豬排和慢火燴牛尾為主菜。
為咗喺喜慶節日加甜，「廚意」甜品放題以薑餅屋和聖誕樹檊蛋糕為主角，特定時段更有無限暢飲兩小時！
平安夜「廚意」亦提供多款美饌包括：燒澳洲和牛M7西冷排、意大利紅蝦意大利飯及法國鵪鶉等等，還有特色甜品放題，和紅酒、白酒、精選啤酒、果汁或梳打等任君選擇的2小時無限暢飲。想過一個溫暖飽滿嘅晚上，值得一試！
午餐: 12月24日:每位HKD238 (12:00pm – 3:00pm) 12月25日聖誕節午餐配特色甜品放題:每位HKD338 (11:00am – 3:00pm) 晚餐: 12月24日晚餐配特色甜品放題、無限暢飲2小時:每位HKD638
*另加一服務費 地址： 佐敦志和街1號登臺酒店 *************************住得遠嘅朋友留意啦！香港沙田凱悅酒店於12月期間推出多項餐飲優惠，包括【額外10% 折扣作交通費回贈】，真係超級貼心！
各位住大西北嘅朋友，無藉口唔去食好西啦～～ 咖啡廳其4個開放式廚房將繼續貫徹「即時烹調，新鮮制造」嘅理念，為食客提供獨一無二的自助晚餐體驗。
酒店亦邀請了合唱團於平安夜及聖誕日在場演奏聖誕歌頌。 開胃菜有冰鎭海鮮如龍蝦和蟹腳，鮮味十足又彈牙，大大刺激食慾！
主菜有焗龍蝦配黑松露醬，黑松露嘅香氣超濃郁，配埋龍蝦真係意想唔到咁夾！另外仲有烤美國肉眼牛排和煎鵝肝，牛排鮮嫩多汁，各位牛魔王真係唔可以錯過！鵝肝煎至兩面金黃，外脆內嫰嘅口感，小編覺得最啱配埋微酸帶甜嘅醬汁！
節慶自助餐更準備了佳節不可少的傳統烤火雞和烤乳豬，增添節日氣氛。除咗西式菜式之外，中式廚房之上湯燜花膠和蠔皇扣鮑魚，兩款食材均有滋補食療作用，任何年紀都勁啱食！
晚餐： 12月24/25 號:自助餐成人價錢HK$720 / 自助餐兒童價錢HK$360 *確認訂檯需要提前付款（不設退換）。餐廳在收到訂單後會與客人聯絡有關付款方式。
地址：馬料水澤祥街18號香港沙田凱悅酒店 *************************
雖然聖誕節係西方節日，但身為吃貨，緊係全年365日都想食盡全球美食！今年餐廳就準備極級豐盛嘅自助餐！
除咗多款冰鎮海鮮如波士頓龍蝦、鱈場蟹腳、翡翠螺、藍青口外，仲有傳統粵式功夫菜，包括古法煎釀鯪魚、蜜味金錢雞、春花卷、百花釀金錢、豉汁蟠龍鱔(逢星期五至日限量供應)，每位食客都可以享用荔蓉鮑魚酥一份，表面炸至金黃色，口感酥脆。咬開就即刻聞到濃郁嘅芋香。鮑魚煙韌彈牙、帶有陣陣鮑魚嘅甘香鮮甜味，意想唔到兩者原來咁夾！
大廚亦預備了一系列節慶美食,例如慢燒富貴聖誕火雞、威靈頓大啡菇素菜卷、蘋果木煙燻火雞豬肉批配白松露等,更有聖誕杏仁糖衣蛋糕、焗香橙生薑芝士蛋糕等甜品，結合中西元素！ 為節日增添甜蜜氣氛。聖誕老人亦會現身，氹大朋友小朋友開心！
午餐： 12月24號: 自助餐成人價錢：HK$288 / 自助餐兒童價錢：HK$228 / 自助餐長者價錢：HK$228。 12月25號: 自助餐成人價錢：HK$358 / 自助餐兒童價錢：HK$268 / 自助餐長者價錢：HK$268。
晚餐： 12月24號: 自助餐成人價錢：HK$628 / 自助餐兒童價錢：HK$478 / 自助餐長者價錢：HK$478。 12月25號: 自助餐成人價錢：HK$588 / 自助餐兒童價錢：HK$428 / 自助餐長者價錢：HK$428。
*另加一服務費地址：西環干諾道西152號港島太平洋酒店
*************************
話晒都係全年最盛大嘅節日之一，緊係要食「蠔」啲！鍾意食海鮮嘅朋友仔，LIS Café 推出嘅自助餐絕對不容錯過！自助餐以蠔作為主角之一！
當中包括芝士焗蠔、洋蔥煙肉焗美國蠔、芝士菠菜忌廉汁焗美國蠔、薑蔥美國蠔煲、大廚即製香煎蠔餅、蠔仔粥及砵酒焗蠔等。 另外仲有阿拉斯加蟹腳、大蝦、藍青口同埋蜆，還有新鮮即切日式刺身：三文魚、吞拿魚、油甘魚及雜錦壽司、多達40款凍盤。
LIS Café亦誠意推介餐廳精緻甜點，表明甜品控一定要試！意式慕斯蛋糕、藍莓芝士蛋糕、北海道牛奶布甸、Dreyer’s雪糕、朱古力噴泉等等。
聖誕自助晚餐更會加入鹿兒島蕯摩和牛薄燒及應節美食，如烤聖誕火雞、烤澳洲骨肉眼、聖誕樹頭蛋糕、聖誕帽造型甜品、聖誕薑餅、果子麵包及燈泡特飲等； 提返大家！平安夜及聖誕節兩日惠顧LIS Café可獲贈金黃酥脆的如心蝴蝶酥及派對小禮物，食飽飽再有禮物收真係超級滿足！
午餐： 12月24/25號：自助餐成人價錢：HK$408 / 自助餐兒童價錢：HK$228 / 自助餐長者價錢：HK$228 晚餐： 12月24/25號：自助餐成人價錢：HK$638 / 自助餐兒童價錢：HK$398 / 自助餐長者價錢：HK$398
地址：香港仔黃竹坑道55號南灣海景酒店
想收到更加多餐廳優惠資訊？請追蹤我哋facebook page 主頁：https://www.facebook.com/OKiBookHK/YOUTUBE：https://www.youtube.com/channel/UCFshjv5Y2JRjVVDay3Mnp0g （細細聲話你聽：好多餐廳近排都推廣緊優惠阿！）
